شوف كام مرة .. والله وبقيت صانع نجوم يا تامر .. مبروك علينا كريم محسن

شوف كام مرة سمحت زمان





أول أغنية من أول ألبوم لفنان اتولد على إدين تامر حسني
أغنية من أجمل الأغاني
أغنية إحساسها يوصلك .. كلمتها تحسها
لحنها تعشقو
أغنية ألبوم باين إنو هيكون فاتحة جميلة وبداية مبشرة لفنان
شاف النور في كام عمل لتامر حسني
فنان لولا تامر حسني كنا دلوقتي ما نعرفوش
فنان كان القلب الحنين ليه تامر حسني
تامر اللي ناس كتير راهنت على نجاحو
تامر اللي حقق نجاح كبير وصل لأقطار العالم العربي كلو
ووعدوه بهبوط مفاجئ يقضي على كل حاجة شايفها قودامو
يقضي على حلمو اللي كان شايفو بيكبر قودامو
تامر اللي ناس كتير آمنت إنو فترة وهينطفي ...
هو دا بالظبط تامر حسني الباب لجيل فني جديد
تامر حسني اللي جاي وجايب للفن وجوه جديدة
عشان تعرفوا انو فنان مش عادي
عشان تعرفوا انو مش زيو زي أي فنان
مين من الفنانين كان السبب في دخول فنان تاني الفن
كلو عايز يحتكر الفن لنفسو
تامر حسني لما شاف كريم محسن قال حرام أحرم جمهوري
من موهبة زي دي ... حرام تفضل مستخبية
تامر واثق في نفسو وواثق في كريم محسن
لما شوفت إن كريم محسن بقى ليه أكاونت على nogomi
وأغنيتو محطوطة في الأغاني ال newly released
قولت الله عليك يا تامر
والله وقدرت تبني مستقبل لفنان
الله عليك يا تامر بعد ما كانت الناس مراهنة على مكانك انت
دلوقتي ليك مكانة صعب حد يسرقها منك
دلوقتي انت السبب في ظهور فنانين جداد
مكانتك بعد ما كانت محور حديث ناس كتير دلوقتي كفيلة في انها
تتوج إنسان موهوب بلقب الفنان
والله وكبرت يا تامر
وبعد ما شوفناك زي ما شايفين كريم محسن كدا
فنان صغير طامح .. وبعد ما شوفنا أول أغنية ليك
وترقبنا أغانيك اللي هتيجي بعدها
بعد ما كنت فنان صاعد على صفحة مواقع الأغاني
دلوقتي بقيت مسؤول عن جيل صاعد
لما شوفت اسم كريم محسن على nogomi
من فرحتي ما صدقتش
قولت إزاي الإنسان دا ما كان إن الناس تسمع صوتو مجرد حلم
وبقرار من تامر حسني بقى على list جيل المغنيين الصاعدين
ونازل بألبوم هينافس فيه الفنانين الشباب الصاعدين
ألبوم بمعاونة تامر حسني
ألبوم انتاج تامر حسني
ألبوم باستشارة تامر حسني
ألبوم تامر حسني كان الأب الراعي ليه
تامر خادو على عاتقوا عشان شايف إنو يستاهل يشوف النور
ألبوم تامر نزلو تحت اسموا عشان عاجبو
صوت كريم اللي فيه كتير من الحنية
وعاجبو تفكير كريم الفني
وواثق إن كريم قد الحمل
الفنان دا فنان تحت اسم تامر الحسني
الفنان دا قالوا تامر هساعدك وهتكون خليفتي
بكرا لما انا أبعد وأبقى عايز أوصل إحساس هكلفك بيه
تامر حسني مش هيوقف ولا سيرتو هتوقف
مدام في كريم محسن
تامر حسني هيفضل في روح كل أغنية لكريم
كريم جزء كبير من مسيرة تامر حسني
كريم محسن دلوقتي محسوب من أعمال تامر حسني
من إنجازات تامر حسني
اللي الناس مفتحة عنيها عليها
ومتابعاها ..
كريم محسن واحد من تقديمات تامر حسني اللي دايما
بتكون حديث الناس ما بين مؤيد ومعرض
تامر حسني على خارطة أعمال تامر حسني
عشان كدا يا تامر
بنقولك شكرا على كريم محسن
شكرا عشان حبتلنا فنان نحبو على حبك ليه
فنان من حبو فيك بقى شبهك في حاجات كتيرة
يعني دلوقتي حبك زاد مرتين
شايفين في كريم محسن تامر حسني صغير
شايفينو واحد من عيلتنا العيلة اللي احنا وانت متجمعين تحت اسمها
عيلة تامر حسني
بنحبو أكنو ابنك ... عشان فيه نفسيتك وفيه وحطيت فيه أملك
حبيتو لدرجة انك ما كنتش راضيلو العذاب اللي دقتو انت وكنت عايزو
يوصل للنجومين عن طريق مش كلها شوك زي اللي انت مشيتها
خليتو يشاركك في أعمال كتير ويكونلك المرافق اللي بيلازمك فين ما روحت
وثقت في ألحان كتيرة هو عملها وألحان تانية انت وهو عملتها
ما تقلقش يا تامر كريم بقى واحد مننا
هنخلي بالنا منو ونساندو ونوقف جنبو
كريم ابن الحبيب
وعشان نجاحو من نجاحك
وعشان لما هو ينجح الناس كلها هتشهدلك بحسن الاختيار
والناس كلها هتقول دا نجاحو بفضل تامر حسني
وعشان لما يبقى ليه مكانة الناس هتقدر حجمك وتعرف إنك قادر
تثبت وجودك مش بشخصية واحدة لكن بتنين
قادر لما تعوز تضمن مش بس مكانتك وسط الجماهير وكمان
ومكان 10 إنت عايزهم معاك
نوعدك بنجاح لألبوم كريم محسن ... نوعدك نكون أول المستمعين
وأول الناشرين .. هننشر الأول باسمنا جمهور تامر حسني وأحباء تامر حسني
دلوقتي ما عدناش عايزين فنانين تانيين
اكتفينا بيك وبكريم محسن
من رابطة عشاق تامر حسني لكريم محسن
أغنيتك عجبتنا أوي أوي
وصوتك أول مرة نكتشف إن فيه نسبة احساس من تبع حبيبنا تامر
مبروك يا كريم نزول أول أغنية من ألبومك
مستنيين الألبوم كلو .. ومتحمسين ليه
ما تخافش وراك رجالة ... احنا وتامر رجالتك
تامر موصينا بيك ... ويا بخت اللي يوصينا تامر بيه
ويا بختك يا كريم اللي طلعلك ما طلعش لغيرك
ومين يكونلوا فرصة يدخل علينا دخلة زي دخلتك
مين يكونلوا فرصة انو ينتمي لعيلة تامر ويقول لأ ؟


يلا يا جماعة خشو اللينك دا


Shof Kam Marra (Upcomming Album)


واعملوا download للأغنية من هنا
عشان تسجل نسبة downloads كتيرة ونبرهن للناس كلها ان اللي يجي
عن طريق تامر كسبان كسبان
ويا ريت نعمل become a fan of karim mohsen على صفحة كريم بردو
ودوسوا على share this song with your friends
ما تنسوش دا جزء من حبيبنا .. جزء من تامر حسني في أول مشاوروا ..